Կերակուրը պետք է հանգիստ ծամել, «հուպ տալը» վտանգավոր է

Արագ ուտելիս մարդիկ սովորաբար հագեցվածություն չեն զգում և կարող են չափից ավել ուտել: Դա բերում է օրգանիզմում գլյուկոզայի մակարդակի տատանման, հետևաբար՝ ինսուլինային ռեզիստենտության և շաքարային դիաբետի առաջացման:

Ուսումնասիրությունները ցույց են տալիս նաև, որ արագ ուտողների մոտ ավելի մեծ է սրտային հիվանդությունների, ինսուլտի, ճարպակալման հավանականությունը:

Բացի դրանից՝ սննդի կտորները չափազանց արագ ու մեծ քանակով կուլ տալը կարող է բերել թթվային ռեֆլյուքսի՝ մարսողական խանգարումների, այրոցի, սրտխառնոցի, փորացավերի, կլման խնդիրների առաջացման:

Վերջերս կատարված մի հետազոտություն էլ փաստում է, որ պակաս կարևոր չէ ժամանակին ուտելը. ուշ երեկոյան կամ քնելուց առաջ ընդունված սնունդը կանանց մոտ կրծքագեղձի, իսկ տղամարդկանց մոտ՝ շագանակագեղձի քաղցկեղի ռիսկ է պարունակում:

Понравилась статья? Поделиться с друзьями: