ԽՈՅ (Aries, 21.III–20.IV)
Պետք չէ շտապել: Առավոտը շատ նոր գաղափարներ ու պլաններ կբերի, բայց դրանք այնքան լավը չեն լինի, որքան առաջին հայացքից կարող է թվալ: Այնպես որ՝ մտածածն իրագործելուն անցնելուց առաջ ամեն ինչ լավ կշռադատեք ու խորհրդակցեք այն մարդու հետ, ում վստահում եք: Մի շտապեք որոշումների հարցում, որոնցից կախված է լինելու ձեր ապագան:
Օրվա երկրորդ կեսը հաջող կլինի: Այն խոստանում է ուրախացնել հաճելի անակնկալներով ու զարմանալի զուգադիպություններով: Հնարավոր են դրամական մուտքեր ու գործնական առաջարկներ, որոնք մեծ եկամուտ կխոստանան:
ՑՈՒԼ (Taurus, 21.IV–21.V)
Շփման համար բարենպաստ օր է: Կարևոր հարցերը հանգիստ քննարկելու հնարավորություն կունենաք: Լավ տպավորություն կթողնեք նոր ծանոթների վրա, կարող եք լեզու գտնել ցանկացածի հետ: Հավանական են համագործակցության հետաքրքիր առաջարկներ: Չեն բացառվում աշխատավայրում սիրային տարվածությունները:
Հիշեք, որ այն, ինչ այսօր կանեք շրջապատի համար, ձեզ նույնպես օգտակար կլինի: Այնպես որ՝ մի մերժեք նրանց, ովքեր դիմում են խնդրանքներով: Երեկոյան հնարավոր են դրամական մուտքեր ու նվերներ, որոնց համար շատ ուրախ կլինեք:
ԵՐԿՎՈՐՅԱԿՆԵՐ (Gemini, 22.V–21.VI)
Բավականին բարդ օր է, բայց կարող եք խուսափել լուրջ խնդիրներից, եթե հանգստություն պահպանեք: Աշխատեք դատարկ բաների պատճառով չհուզվել, թույլ մի տվեք շեղել ձեզ կարևոր գործերից: Կարող են տարաձայնություններ առաջանալ տանն ու աշխատավայրում, բայց կգտնեք լուրջ կոնֆլիկտներից խուսափելու, սուր անկյունները հարթելու ձևը:
Ավելի խնայող եղեք: Լավ է հրաժարվել չպլանավորված գնումներից ու խուսափել լուրջ ծախսերից: Չեն բացառվում աննշան, բայց շատ ցավալի ֆինանսական կորուստները: Ցանկալի չէ պարտքով գումար տալ: Այն ճիշտ ժամանակին չեն վերադարձնի:
ԽԵՑԳԵՏԻՆ (Cancer, 22.VI–22.VII)
Հավասարակշռությունը պահպանելը բարդ է լինելու, հատկապես եթե ստիպված լինեք գործ ունենալ քիչ ծանոթ մարդկանց հետ: Հաճախ կտրվեք պրովոկացիաներին, կասեք ու կանեք այն, ինչի համար հետո ստիպված եք լինելու զղջալ: Օրվա առաջին կեսին կարևոր հարցեր մի քննարկեք, բիզնեսի կամ ֆինանսների հետ կապված որոշումներ էլ մի ընդունեք:
Ինչքան երեկոն մոտենա, այնքան քիչ կհուզվեք դատարկ բաների պատճառով, այնքան հեշտ կլինի ճիշտ որոշումներ ընդունելը: Հենց օրվա երկրորդ կեսի համար պլանավորեք ձեզ համար թանկ մարդկանց հետ հանդիպումները: Լավ կանցնեն կարճատև ուղևորությունները:
ԱՌՅՈՒԾ (Leo, 23.VII–23.VIII)
Հիանալի, արդյունավետ օր է: Աստղերը բարյացակամ կլինեն ձեր հանդեպ: Շատ հարցեր լուծելիս կարող եք հույս դնել նրանց աջակցության վրա: Լավ կանցնեն գործնական բանակցությունները: Չի բացառվում, որ ձեզ նոր առաջարկ անեն կամ երկարատև համագործակցություն առաջարկեն: Պատասխան տալիս մի շտապեք: Ավելի շահավետ պայմանների հասնելու շանս կա:
Շրջապատը սովորականից հաճախ կխառնվի ձեր գործերին, բայց դա ձեզ այսօր չի նյարդայնացնի: Ընդհանրապես, շատ բաների հումորով կնայեք ու չեք կորցնի լավատեսությունը, նույնիսկ եթե ճանապարհին դժվարություններ առաջանան: Կենսական պոտենցիալը բարձր կլինի: Գերհոգնածությունից կարող եք չվախենալ:
ԿՈՒՅՍ (Virgo, 24.VIII–23.IX)
Գործերում նախաձեռնող եղեք: Հենց դրա շնորհիվ հաջողության կհասնեք այնտեղ, որտեղ մյուսները պարտություն են կրել: Մի վախեցեք փորձարկումներ անել: Հաճախ հենց ամենաանսպասելի, ինքնատիպ ու համարձակ որոշումները հաջող կլինեն: Կարող եք նոր համախոհներ գտնել: Շատերը կուզենան ձեր կողմն անցնել:
Լավ կանցնեն ազդեցիկ անձանց, պոտենցիալ գործընկերների ու գործատուների հետ հանդիպումները: Վերջին տեղում չի լինի ձեր գրավչությունը: Շատերին դուր կգաք: Օրվա երկրորդ կեսին ընտանեկան խնդիրները լուծելու հնարավորություն կունենաք:
ԿՇԵՌՔ (Libra, 24.IX–23.X)
Մարդկանց հետ լավ լեզու կգտնեք: Այսօր կարող եք կարևոր գործնական բանակցություններ պլանավորել: Կհաջողվի հանգիստ քննարկել լուրջ հարցերն ու որոշում գտնել, որը բոլորին ձեռնտու կլինի: Չեն բացառվում շահավետ գործարքներն ու հաջող գնումները: Որոշ Կշեռքների ինտուիցիան կհուշի, թե ինչպես մեծացնեն եկամուտները:
Նախաձեռնող եղեք անձնական հարաբերություններում: Ձեզ կաջակցեն: Օրը հարմար է հին ընկերներին ու բարեկամներին հանդիպելու համար; Նրանց հետ շփումները ոչ միայն հաճելի, այլև օգտակար կլինեն: Ձեզ լավ խորհուրդներ կտան:
ԿԱՐԻՃ (Scorpius, 24.X–22.XI)
Այսօր ուրիշների գործերով ավելի շատ կզբաղվեք, քան ձեր սեփականով: Բայց դա ձեզ օգուտ կտա: Հնարավորություն կունենաք սովորել այն, ինչ շուտով պետք կգա: Հավանական են հետաքրքիր ծանոթություններ: Դրանք կարող են սիրային շարունակություն ստանալ, եթե նախաձեռնող լինեք: Չեն բացառվում անսպասելի նվերները:
Հնարավոր են հեռվից լավ նորություններ: Ամենայն հավանականությամբ դրանք ոչ թե ձեզ անձնապես, այլ մտերիմ մարդուն կվերաբերեն: Ընտանեկան կոնֆլիկտները հարթելու, հարազատների հետ տարաձայնություններին վերջ դնելու հնարավորություն կլինի:
ԱՂԵՂՆԱՎՈՐ (Sagittarius, 23.XI–21.XII)
Օրը հեշտ չի անցնի, բայց, միևնույն է, բարենպաստ կլինի: Սովորականից հաճախ ստիպված եք լինելու բարդ խնդիրներ լուծել, հավաքել ու վերլուծել ինֆորմացիան, ելք գտնել ոչ միանշանակ իրավիճակներից: Բայց չեք բողոքի, քանի որ գործերն իսկապես հետաքրքիր կլինեն: Հավանական են արդյունավետ բանակցություններ:
Սովորական գործերից հիանալի գլուխ կհանեք: Դրանք հոգնեցուցիչ ու ձանձրալի չեն թվա: Օրվա երկրորդ կեսին հնարավոր են անսպասելի այցեր: Ուրախ կլինեք հյուրեր ընդունել, չնայած նրանց գալու պատճառով ստիպված եք լինելու որոշ պլաններ հետաձգել:
ԱՅԾԵՂՋՅՈՒՐ (Capricornus, 22.XII-20.I)
Շրջապատի հետ լեզու գտնելը հեշտ չի լինելու: Կթվա, թե նրանք առիթ են փնտրում իրենց դժգոհությունը հայտնելու համար: Աշխատեք հանգստություն պահպանել: Եթե սկսեք հուզվել, չեք կարողանա կենտրոնանալ գործերի վրա ու սխալներ կանեք:
Զգույշ է պետք լինել ֆինանսական հարցերը լուծելիս: Այսօր հակված կլինեք գումար ներդնել կասկածելի նախագծերի վրա կամ այն այնպիսի բաների վրա ծախսել, որի կարիքը չկա: Քիչ ծանոթ մարդկանց հետ շփվելիս խուսափեք ձևականություններից: Դրանց պատճառով ձեր մասին սխալ պատկերացում կարող են կազմել:
ՋՐՀՈՍ (Aquarius, 21.I–19.II)
Օրը հագեցած կլինի: Շատ գաղափարներ ու բավականաչափ էներգիա կունենաք դրանք կյանքի կոչելու համար: Նույնիսկ եթե ճանապարհին խոչընդոտներ առաջանան, չեք հրաժարվի մտածածից ու չեք նահանջի: Ամենայն հավանականությամբ կգտնվեն մարդիկ, ովքեր կուզենան օգնել: Որոշ Ջրհոսներ շատ ազդեցիկ համախոհներ ձեռք կբերեն:
Սպորտով զբաղվելն ու մաքուր օդին զբոսանքներն այսօր օգտակար կլինեն: Լավ մարզավիճակում կլինեք, և նույնիսկ լուրջ ծանրաբեռնվածությունը ձեզ չի հոգնեցնի: Չեն բացառվում ուղևորությունները: Հատկապես լավ կանցնեն սիրային ճամփորդությունները: Դրանք անմոռանալի տպավորություն կթողնեն:
Հաջող օր է հատկապես նրանց համար, ովքեր կարևոր հանդիպումների կամ միջոցառումների պետք է մասնակցեն: Կհաջողվի լավ տպավորություն թողնել նույնիսկ նրանց վրա, ով ոչ ոքի չի հավանում: Հնարավոր են շահավետ գործարքներ, որոնք ավելի ուշ կսկսեն եկամուտ բերել: Իսկ հիմա պետք է բավարարվեք համեստ դրամական մուտքերով, բայց դրանք էլ բավական կլինեն հաճելի գնումներ անելու համար:
Օրը հարմար է փաստաթղթերի հետ աշխատանքի, պետկազմակերպություններ այցեր կատարելու համար: Վիզա ստանալու հետ կապված խնդիրներ էլ չեն լինի: Հավանական են հաջող ուղևորություններ:
