Գերմանիայի կանցլեր Անգելա Մերկերը դարձավ շարքային քաղաքացի, երբ մտավ Հյուսիսային պողոտա։ Այդքան ջերմություն, այդքան պարզություն ու շիտակություն , այդքան հոգեհարազատ միջավայր, գերագույն հաճույք,թևանցուկ ՝ շարքային քաղաքացիների հետ հետ՝ ինչպես մայր ու աղջիկ: Ամբոխի մեջ՝ սեղան նստել ու մի բաժակ սուրճ խմել և անհոգ ժպտալ հոգու խորքից, երևի երազում էլ տեսած չկար։Ես հավատում եմ, եթե մի պարեղանակ հնչեր ,ականատես կդառնայինք մոլորակի հրաշքին:
Գերմանիայի կանցլերը Երևանում` առանց զարդ ու զարդարանքի , առանց ճոխ ու ճչացող շրջազգեստի, առանց ներկի ու ներկապնակի, եդեմական ցնծությամբ, ինչպես հասարակ հայ, գեղջկուհի, պարում է խենթացած` մոռացած աշխահի ցավն ու դավը, չարն ու բարին, սկիզբն ու վերջը:
Հիմա կհարցնեք, այս ինչից ես այդպես հիացած։ Չէ, է, հիացած եմ , բայց նաև զարմացած. Բա մարդ Կանցլեր լինի, ու մի փուտ ոսկի ու մարգարիտ վրան չկրի, բա մի կես կիլո շրթներկով չներկվի, վզնոց, շղթա, քամար գոտի չկրի, նաև երգի ՝ կոլխոզ նախագահի կին եմ ես․․․․
Ֆեդյա Գսպոյան