Իր հատկությունների շնորհիվ մասուրի յուղն օգտագործվում է մի շարք նպատակներով: Fithacker.ru-ն ներկայացրել է՝ ինչպես օգտագործել այն:
Դեմքի համար: Մասուրի յուղը կօգնի ազատվել մաշկի չորությունից, ծերացման առաջին նշաններից: Այն խոնավեցնում է մաշկը, հագեցնում վիտամիններով: Մասուրի յուղը կարող եք օգտագործել սովորական կրեմի հետ՝ մի քանի կաթիլ խառնելով դրան կամ օգտագործել մաքուր վիճակում՝ մերսող շարժումներով քսելով դեմքին: Եթե յուղոտ մաշկ ունեք, մասուրն օգտագործեք միայն աչքերի ու շուրթերի հատվածում. դա կօգնի խուսափել կնճիռների առաջացումից:
Մասուրի յուղը կարող է օգնել ազատվել նաև փոքր սպիներից. մասուրի յուղը մերսող շարժումներով քսեք պրոբլեմատիկ հատվածներին:
Մասուրի յուղով դիմակներ: Այլ բաղադրիչների հետ համադրելու դեպքում մասուրի յուղը կօգնի լավացնել մաշկի որակը:
Բորբոքումից և այտուցվածությունից ազատվելու համար 1 թեյի գդալ մասուրի յուղը խառնեք 1 ճաշի գդալ ցորենի թեփի և 1 ճաշի գդալ եղինջի թուրմի հետ: Քսեք մաքուր դեմքին, տաք ջրով լվացեք 15-20 րոպե անց:
Դեմքը մաքրելու համար 1 ճաշի գդալ տաք կաթը խառնեք 1 թեյի գդալ մասուրի յուղի և 10 գրամ խմորիչի հետ:
Հարթ մաշկ ունենալու համար 1 թեյի գդալ մասուրի յուղը խառնեք նույնքան մեղրի և 1 ձվի դեղնուցի հետ:
Մասուրի յուղը՝ մազերի համար: Մասուրի յուղը բուժում է գլխամաշկը, սնուցում մազարմատները: Մասուրի յուղը կարող եք օգտագործել միայն չոր մաշկի դեպքում, հակառակ դեպքում՝ մազերի վիճակը կարող է վատանալ:
Շամպունի կամ բալզամի մեջ մասուրի յուղ ավելացնելու դեպքում մազերն ավելի առողջ, ամուր և փայլուն կլինեն:
Մազերի աճը խթանելու համար 1 ճաշի գդալ սոխի հյութը խառնեք 1 թեյի գդալ մեղրի, մասուրի յուղի հետ: Քսեք մազերին, 30 րոպե անց լվացեք մազերը:
Ճյուղավորված մազերի դեմ պայքարելու համար 100 մլ գարեջուրը խառնեք 2 ճաշի գդալ մասուրի յուղի, ձվի դեղնուցի հետ: Խառնուրդը մազերին թողեք 20-25 րոպե, լավ լվացեք:
Մասուրի յուղը՝ աչքերի շուրջ նուրբ մաշկի համար: Մասուրի յուղն արդյունավետ միջոց է՝ նուրբ մաշկը խնամելու համար: Այն սնուցում է մաշկը, պայքարում ծերացման առաջին նշանների դեմ: Այն կարող եք օգտագործել թե առանձին, թե կրեմներին խառնելով: 15 մլ մասուրի յուղին 3 կաթիլ վիտամին E և A խառնեք, պահեք սառը վայրում: Քսեք աչքերի շուրջ նուրբ մաշկին, 10-15 րոպե անց մաքրեք անձեռոցիկով:
Մասուրի յուղը՝ թարթիչների համար: Մասուրի յուղը նպաստում է թարթիչների աճին, սնուցում դրանք: Մի քանի կաթիլ յուղ քսեք թարթիչներին, թողեք մեկ ժամ, լվացեք:
