Տաթևը դեղեր ընդունեց և կորցրեց երեխային, սա մեծ ցավ է պատճառել հատկապես հեռուստադիտողներին, ովքեր լարված հետևում են ֆիլմի զարգացումներին:
«Արմենիա TV»-ի «Պատվից առավել» հեռուստասերիալը շարունակում է մեծ հետաքրքրություն վայելել հեռուստադիտողների շրջանում և առաջատար դիրքեր զբաղեցնել վարկանշային աղյուսակում: Ռեժիսոր, պրոդյուսեր Ելենա Արշակյանի հեռուստասերիալում այս փուլում լարված իրադարձություններն են՝հարսանեկան իրավիճակներ:
Մինչ հեռուստադիտողները լարված հետևում են Մուրադ-Արման հակամարտությանը, տեսախցիկներից այն կողմ նրանց դերակատարները՝ Գևորգ Գրիգորյանն ու Սարգիս Եղիազարյանը ջերմ հարաբերություններ ունեն, լուսանկարվում են միասին ու նույնիսկ «մոռանում» Տաթևի՝ Նաստասյա Գոլովկոյի մասին:)
Թե սիրային եռանկյունին այս փուլում ինչ հանգուցալուծում կստանա, հեռուստադիտողները կարող են հետևել առաջիկա սերիաների ընթացքում, մինչ այդ Tert.am Life-ը եղել է նկարահանման հրապարակում և լուսանկարել հարսանեկան սերիաների բեքսթեյջը:
Ելենան խոստանում է անսպասելի լուծումներ ու լարված իրադարձություններ: Նա բացահայտեց, որ առաջիկայում 2 դերասան լքելու է նախագիծը: «Չեմ ասի, թե որ կերպարների մասին է խոսքը, որպեսզի հետաքրքրությունը չկորչի:
2 կերպարն էլ հասցրել են շատ սիրվել հեռուստադիտողների կողմից, սակայն ի սկզբանե նախատեսված էր, որ նրանց կերպարային գծերն այս փուլում փակվելու են, և մենք չենք շեղվել նախապես գրված սցենարից»,- ասաց ռեժիսորը, որը նաև համալրում է «Պատվից առավել»-ի դերասանական կազմը:
Արդեն եթերում են Նաիրա Շահիրյանի մասնակցությամբ սերիաները, առաջիկայում հեռուստադիտողները կտեսնեն Ալեքսանդր Բաբասյանին: Պրոդյուսերը ևս մեկ սիրված դերասանի մուտք է խոստանում հեռուստասերիալ, սակայն նրա ով լինելն առայժմ գաղտնի է պահում:
«Պատվից առավելի» ստեղծագործական կազմը վերջերս է վերադարձել Մոսկվայից, որտեղ նկարահանումներ են իրականացրել ֆիլմի համար, առաջիկայում ստեղծագործական թիմն ավելի հեռու մեկնելու մտադրություն ունի: Ելենան խոստանում է դիտարժան սերիաներ:
«Շատ ուրախ եմ, որ հեռուստաընկերությունը, որտեղ աշխատում ենք, կարևորում է արտերկրում նկարահանումներ անելը, եթե դրա անհրաժեշտությունը կա սցենարով: Ընդ որում՝ բոլոր նկարահանումներն արվում են օրինական թույլտվություններով և բարձր մակարդակով: Մենք չենք սահմանափակվում միայն
Հայաստանին մոտ երկրներով և պատրաստվում ենք նկարահանումներ իրականացնել նաև եվրոպական երկրում: Ուրախ եմ, որ մեր օրինակը վարակիչ է նաև մյուս հեռուստասերիալների համար։ Սա նոր որակ է բերում հայկական հեռուստասերիալների դաշտ»,- եզրափակեց ռեժիսորը:
Armenia TV’s “More than Honor” TV series continues to attract a great deal of viewers and rank in the top spot. Director, producer Yelena Arshakyan’s TV series are tense at this stage: wedding situations.
While viewers watch the Murad-Arman conflict intensely, their actors beyond the cameras – Gevorg Grigoryan and Sargis Yeghiazaryan – have a warm relationship, take pictures together and even “forget” about Tatev’s Nastasya Golovko.
