Փաստեր սննդի մասին, որոնք գլխիվայր կփոխեն քո պատկերացումները ճիշտ սնվելու մասին

Մրգերի վրա փակցված պիտակները բացարձակապես ուտելի են:

Սննդամթերքի և դեղորայքի որակի սանիտարական վերահսկողության վարչությունը խորհուրդ է տալիս ուտելուց առաջ մրգերը լվանալ, սակայն չի արգելում ուտել դրանց վրա փակցված պիտակները: Այդ պիտակները, ինչպես և այն փակցնող սոսինձը, անվտանգ են: Այնուամենայնիվ, դժվար թե դրանք ուտելիս հաճույք ստանաք: Այնպես որ, ուտելուց առաջ պոկեք դրանք մրգերի վրայից:

Նախաճաշին ավելի լավ է մի կտոր պիցցա ուտել, քան մի բաժին վարսակե փաթիլներ:

Սննդաբան Չելսի Ամերի հետազոտություններն ապացուցում են, որ մի կտոր պիցցան նախաճաշի ավելի բալանսավորված տարբերակ է, քան վարսակի փաթիլները, քանի որ նրանում ավելի շատ սպիտակուց ու թարմ բաղադրիչներ կան, քան փաթիլների մեջ, և ավելի քիչ շաքար, ինչն անհամեմատ շատ է պատրաստի հացահատիկային նախաճաշերի մեջ: Այդպիսի շիլաների մեծ մասը սննդային արժեք չունի ու բավարար քանակությամբ սպիտակուցներ ու առողջ ճարպեր չի պարունակում: Փոխարենը՝ շաքարն է բավականին շատ:

Կծու սնունդը երկարացնում է կյանքը:

Հանրային առողջապահության Հարվարդի դպրոցի հետազոտությունը ցույց է տվել, որ օրական մեկ անգամ կծու սննդի գործածությունը կարող է մահվան վտանգը նվազեցնել 14%-ով: Հետազոտության հեղինակ Լու Ցին ասում է, որ կծու սննդամթերքի մեջ եղած կենսաբանորեն ակտիվ բաղադրիչները, այնպիսիք, ինչպիսիք են կապսաիցինը, կարող են նվազեցնել, այսպես կոչված, վատ խոլեստերինի մակարդակը ու պահպանել տրիգլիցերիդների առողջ մակարդակը:

Ձկան պահածոներն ավելի օգտակար են, քան մսի:

Պահածոները, անշուշտ, ամենաօգտակար առողջ սննդատեսակներ չեն: Մսի պահածոների մասով դա հիմնականում այդպես է, իսկ ձկան պահածոների դեպքում` ոչ այնքան: Պահածոների պատրաստման ժամանակ` երկարատև ջերմային մշակումից հետո, անգամ խոշոր ձկան ոսկորներն են դառնում փափուկ ու ուտելի, նշանակում է՝ դրանք դառնում են կալցիումի լրացուցիչ աղբյուր:

Լոլիկը սառնարանում կորցնում է համը:

Հետազոտությունը ցույց է տալիս, որ լոլիկը 12 աստիճանից ցածր ջերմային պայմաններում պահելը խոչընդոտում է նրա` համի ու բույրի համար պատասխանատու նյութերի արտադրությանը: Բանն այն է, որ սառը ջերմաստիճանը նվազեցնում է գեների աշխատունակությունը, որոնք պատասխանատու են պտուղների բույրի ու հասունության համար: Այդ պատճառով էլ լոլիկներն ավելի լավ է պահել մութ տարածքում ու սենյակային ջերմաստիճանի պայմաններում:

Կիտրոնի մեջ ավելի շատ շաքար կա, քան ելակում:

Ելակը 40% շաքար է պարունակում, իսկ կիտրոնը` գրեթե կրկնակի ավելի: Մենք դա չենք նկատում նրանում առկա կիտրոնաթթվի մեծ քանակի պատճառով: Ավելին, շաքարի այդ քանակությունը կարող էր ճարպակալման պատճառ դառնալ դրանք մեծ քանակով օգտագործելու դեպքում, սակայն կիտրոնաթթուն դժվար թե դա թույլ տա:

Կաթի պահպանման ժամկետը կապ չունի կոնսերվանտների ավելացման հետ:

Շատերը համարում են, որ պահպանման երկար ժամկետ ունեցող կաթի մեջ մեծ քանակությամբ կոնսերվանտներ են ավելացնում: Դա այդպես չէ: Գաղտնիքը բարձր ջերմաստիճանային տեխնոլոգիաների գործածումն է: Կաթը շատ արագ, հաշված վայրկյանների ընթացքում տաքացնում են մինչև 135 աստիճան, իսկ հետո նույնքան արագ սառեցնում են: Ընդ որում, վատ բակտերիաները ոչնչանում են, իսկ բոլոր վիտամինները մնում են: Այդպիսի կաթը փակ վիճակում կարող է պահպանվել 120 օր, իսկ բացված վիճակում սառնարանում`մինչև 4 օր:

Կեֆիրը հանում է խումհարից ոչ այն պատճառով, որ ալկոհոլ է պարունակում:

Իրականում էթիլային սպիրտի առկայությունը կեֆիրի մեջ չի գերազանցում 0,04-0,05%-ը: Մեկ հասած տանձը նույնքան ալկոհոլ է պարունակում, որքան այդ ըմպելիքի մեկ դույլը: Իսկ ինչու է կեֆիրն իսկապես փրկում ալկոհոլային թունավորումից: Ողջ պատասխանը B վիտամինի, ֆոլաթթվի ու օգտակար բակտերիաների մեջ է, որոնք օգնում են հանգստացնել ձեր ստամոքսը և մաքրում են օրգանիզմն ալկոհոլային քայքայման մթերքներից:

Միկրոալիքային վառարանը բանջարեղենի մեջ բոլոր հանքանյութերն ու սննդարար նյութերը պահպանելու լավագույն եղանակն է:

Սննդի մեջ բոլոր հանքանյութերն ու սննդարար նյութերը պահպանելու լավագույն եղանակն այն հնարավորինս կարճ ժամանակում տաքացնելն ու քիչ ջուր օգտագործելն է, և հենց միկրոալիքային վառարանն է ամենահարմարը:

Իսկ ահա խաղողը կպայթի միկրոալիքային վառարանում տաքացնելու դեպքում:

Եթե խաղողը մեջտեղից կիսեք ու փորձեք տաքացնեք միկրոալիքային վառարանում, տեղի կունենա պլազմայի պայթյուն, քանի որ խաղողի պտուղը չափազանց փոքր է, ու այդ պատճառով էլ էլեկտրամագնիսական ալիքները չափազանց ուժեղ են խտանում ու պայթեցնում են այն:

Ֆերմայում աճեցված սաղմոնը սպիտակ գույն ունի:

Վայրի սաղմոնը բնական վարդագույն է՝ իր սննդակարգում մեծ քանակությամբ ծովախեցգետինների առկայության շնորհիվ: Արդյունաբերական պայմաններում սաղմոնը սնվում է բոլորովին այլ բաներով, ու այդ պատճառով էլ նրա միսը սպիտակ է կամ թեթևակի վարդագույն: Նրա վառ գույնն ապահովելու համար արտադրողներն օգտագործում են գունավորման համար անհրաժեշտ զանազան պիգմենտներ:

Ձվի դեղնուցն ավելի շատ սննդարար նյութեր ու հանքանյութեր է պարունակում, քան սպիտակուցը:

Դեղնուցը պարունակում է բոլոր օգտակար վիտամիններն ու հանքանյութերը, որոնք անհրաժեշտ են լիարժեք ու բալանսավորված սննդակարգի համար: Իհարկե, սպիտակուցն ավելի հարմար է դիետայի համար, սակայն, եթե ձեզ շատ սննդանյութեր են հարկավոր, դեղնուցը ճիշտ ընտրություն է: Այո, նրանք ավելի մեծ քանակությամբ խոլեստերին են պարունակում, քան սպիտակուցները, սակայն պետք չէ մոռանալ, որ խոլեստերինը ձեր բջիջների համար օգտակար սննդանյութ է:

Մըշկընկույզի չափազանց մեծ քանակի գործածությունը կարող է հալյուցինացիաներ առաջացնել:

Մըշկընկույզն օրգանիզմի վրա գործում է՝ որպես հալյուցինոգեն, եթե այն օգտագործես մեծ քանակությամբ: Դուք կարող եք սրտխառնուք, գլխապտույտ ու մտածողության հետ կապված խնդիրներ ունենալ: Այս համեմունքի դեպքում չի գործում որքան շատ, այնքան լավ սկզբունքը: Անհրաժեշտ է ունենալ չափի զգացում:

Վասաբին ներկած ծովաբողկն է (хрен):

Եթե դուք սիրում եք սուշին վասաբիով ուտել, պետք է իմանաք, որ հավանաբար ձեզ կմատուցեն պարզապես ներկած ծովաբողկ: Ճապոնիայի սահմաններից դուրս մատուցվող վասաբիի մեծ մասն իրենից ծովաբողկի, մանանեխի ու սննդային ներկի խառնուրդ է ներկայացնում: Անգամ Ճապոնիայում այժմ դրա պահանջարկն այնքան մեծ է, որ բնական վասաբի առանց խառնուրդի գրեթե չի մատուցվում:

Քաղցր պղպեղի մեջ ավելի շատ C վիտամին կա, քան ցիտրուսային մրգերի մեջ:

Մեկ միջին չափի կարմիր բուլղարական պղպեղը պարունակում է մոտավորապես 152 մգ C վիտամին, այսինքն`1,5 անգամ ավելի շատ, քան միջին չափի նարինջը: Կանաչ պղպեղի մեջ C վիտամինը մի փոքր քիչ է, մոտ 95 մգ, սակայն քանի որ մարդուն օրական 75 մգ C վիտամին է անհրաժեշտ, պղպեղի ցանկացած տեսակ ապահովում է այն:

Շոկոլադի բույրը թուլացնում է լարվածությունը ու հանգստացնում է նյարդերը:

Իսկական շոկոլադն առույգացնում է, երբ այն ուտում են, և հանգստացնում, երբ վայելում են նրա բույրը:

Ավելին, շոկոլադը նաև քրոնիկ հազի դեմ արդյունավետ միջոց է:

Բրիտանական հետազոտությունները ցույց են տվել, որ կակաոյից ստացվող թեոբրոմինի հիմքի վրա միացությունը կարող է դառնալ քրոնիկ հազը բուժող բավականին արդյունավետ միջոց: Այն վնասակար էֆեկտներ չունի և տեսանելի ապագայում ավելի արդյունավետ միջոց կարող է դառնալ քրոնիկ հազի դեմ պայքարում, քան ավանդական միջոցները:

Գիտնականները կարող են գետնանուշի յուղից ադամանդ սարքել:

Գերմանացի գիտնականները հայտնաբերել են, որ գետնանուշի յուղի մեջ բավականին շատ ածխածին կա, իսկ դա նշանակում է, որ այն կարելի է փոխակերպել ադամանդի: Դրա համար նախ այդ մթերքի միջից ամբողջովին պետք է հեռացնել ողջ թթվածինը, իսկ ապա այն ենթարկել հսկայական ճնշման, որպեսզի տեղի ունենա փոխակերպման գործընթացը: Քանի որ բոլոր սննդամթերքները և, ընդհանրապես, կենդանի էակներն ածխածին են պարունակում, այս հետազոտությունը հետագայում թույլ կտա ալմաստներ ստեղծել զանազան առարկաներից: Իհարկե, բնական ադամանդները միշտ էլ ավելի մեծ արժեք կունենան:

Կարմիր մթերքների մեջ, մեծ հավանականությամբ, կարմին կա, որը ստանում են բզեզներից:

Կարմինը տարածված սննդային ներկանյութ է, որը ստանում են մանրացված բզեզներից: Այն հանդիպում է զանազան կոնֆետների ու այլ մթերքների մեջ, երբեմն՝ նաև դեկորատիվ գեղարարական միջոցների մեջ, և այն բոլորովին էլ վնասակար չէ:

Կրեկերն ատամների համար ավելի վնասակար է, քան կոնֆետները:

Իհարկե, կոնֆետը ևս վնասակար է, բայց պետք է հիշել, որ կան նաև այլ մթերքներ, որոնք պակաս վտանգ չեն ներկայացնում: Բանն այն է, որ ատամները քայքայում է ոչ թե շաքարը, այլ թթուն: Երբ կրեկերը կպչում է ատամներին, առաջանում է թթու արտադրող բակտերիաների զարգացման համար հիանալի միջավայր:

Ծովային աղը ոչնչով չի տարբերվում սովորական սննդային աղից:

Չնայած այն հանգամանքին, որ ծովային աղն ընդունված է համարել ավելի առողջ ու օգտակար, իր բաղադրությամբ ոչնչով չի տարբերվում սովորական սննդի մեջ գործածվող աղից, որի մեջ նույնքան սննդանյութեր ու նատրիում կա, որքան ծովային աղի մեջ: Սովորական աղի մեջ էլ են հաճախ յոդ ավելացնում վահանագեղձի առողջությունը պահպանելու համար:

Սրանց տարբերությունը միայն ստացման եղանակների մեջ է: Ծովային աղը ստանում են օվկիանոսի կամ ծովի ջրի գոլորշիացման միջոցով, իսկ սովորական սեղանի աղը սովորաբար ստանում են ստորերկրյա աղային կուտակումներից:

Կարտոֆիլը կլանում է անլար ինտերնետի ազդանշանը:

Հետազոտությունները ցույց են տվել, որ մենք կարտոֆիլի հետ ընդհանուր բան ունենք, և դա ռադիոալիքներ կլանելու ու անդրադարձնելու հատկությունն է: Ջրի մեծ քանակի պարունակության և որոշակի քիմիական բաղադրության շնորհիվ կարտոֆիլը կարող է կլանել անլար ինտերնետի ազդանշանը: Ինքնաթիռներում ուղևորների փոխարեն կարտոֆիլի պարկերի տեղակայումը Բոինգ ընկերությանը օգնեց գտնել ու վերացնել թռիչքի ընթացքում անլար ազդանշանների թույլ տեղերը:

Աշխարհի բոլոր բանանները կլոն են:

Աշխարհում բանանի ավելի քան 1000 տարատեսակներ կան, սակայն դրանք բոլորն էլ կավենդիշ տեսակի բանանի գենետիկ պատճեններն են: Դրանք կլոնավորում են սերմերի բացակայության պատճառով, որպեսզի շարունակեն արտադրությունը: Այս գենետիկ միատարրությունը շատ վտանգավոր է, քանի որ, եթե բանանները հարձակման ենթարկվեն ինչ-որ մակաբույծի կողմից կամ հիվանդանան, պրոցեսի մեջ կներգրավվեն բացարձակապես բոլորը, ինչը ժամանակի հետ կարող է հանգեցնել դրանց իսպառ ոչնչացմանը: